27-Jataka-1.txt

j i_utf8 [cpd classification 2.5.10]
[pts vol j - 1] [\z j /] [\f i /]
[pts page 001] [\q   1/]
[bjt vol j - 1] [\z j /] [\w i /]
[bjt page 002] [\x   2/]
suttantapiṭake - khuddakanikāye
jātakapāḷi
(paṭhamo bhāgo)
namotassa bhagavato arahato sammā sambuddhassa.

[pts page 104] [\q 104/]

ekanipāto
1. apaṇṇa kavaggo
1. apaṇṇakaṁ ṭhānameke dutiyaṁ āhu takkikā.
etadaññāya medhāvi taṁ gaṇhe yadapaṇṇakanti. 1-

[pts page 109] [\q 109/]

1. apaṇṇakajātakaṁ.
2. akilāsuno vaṇṇupapathe 2- khaṇantā
udaṅgaṇe tattha papaṁ avinduṁ,
evaṁ muni viriyabalupapanno 3-
akilāsu vinde hadayassa santinti. 2. vaṇṇupathajātakaṁ. 4-

[pts page 113] [\q 113/]

3. idha ce hi naṁ 5- varādhesi saddhammassa niyāmataṁ, 6-
ciraṁ tvaṁ anutapessasi 7- serivāyaṁva vāṇijoti.
3. serivāvāṇijajātakaṁ. 8-

[pts page 122] [\q 122/]

4. appakenapi medhaṁvi pāhatena vicakkhaṇo,
samuṭṭhāpeti attānaṁ aṇuṁ aggiṁva sandhamanti.

4. cullaseṭṭhijātakaṁ 9-

1. taṁ gaṇheyya apaṇṇakaṁ - machasaṁ. 2. vaṇṇapathe - machasaṁ 3. muni viriya - machasaṁ, syā. 4. vaṇṇapatha - machasaṁ. 5. idhacenaṁ - machasaṁ, syā 6. niyāmakaṁ - machasaṁ, syā 7. anutappesi - machasaṁ syā 8. seriva syā serivavāṇija - machasaṁ 9. cullaka - machasaṁ, syā.

[bjt page 004] [\x   4/]

5. kimagghati 1- taṇḍulanāḷikāya
assāna mulāya vadehi rāja, 2-
bārāṇasiṁ santarabāhirantaṁ 3 ayamagghati taṇḍulanāḷikāti. *
5. taṇḍulanāḷijātakaṁ.

[pts page 129] [\q 129/]

6. hiriottappasampannā sukkadhammasamāhitā,
santo sappurisā loke devadhammāti vuccareti.

6. devadhammajātakaṁ.

[pts page 135] [\q 135/]

7. putto tyāhaṁ mahārāja tvaṁ maṁ posa janādhipa,
aññepi devo poseti kiñca devo sakaṁ pajanti.
7. kaṭṭhahāri 4- jātakaṁ.

[pts page 136] [\q 136/]

8. api ataramānānaṁ phalāsāva samijjhati,
vipakkabrahmacariyosmi evaṁ jānāhi gāmaṇiti.
8. gāmaṇijātakaṁ.

[pts page 138] [\q 138/]

9. untamaṅgaruhā mayhaṁ ime jātā vayoharā,
pātubhūtā devadutā pabbajjāsamayo mamāti.

9. makhādeva 5- jātakaṁ.

[pts page 141] [\q 141/]

10. yañca aññenurakkhanti yo ca aññe na rakkhati,
sa ce rāja sukhaṁ seti kāmesu anapekhavāti.

10. sukhavihārijātakaṁ.
apaṇṇakavaggo paṭhamo.
tassuddānaṁ:
varāpaṇṇakavaṇṇupathaserivaro
sucicakkhaṇataṇḍulanāḷikassaṁ,
hiripuntavaruttagāmaṇinā
yo ca na rakkhati tena dasa.

1. kiṁ agghati - machasaṁ. 2. rājā - machasaṁ 3. bārāṇasi santarabāhirako - machasaṁ 4. kaṭṭhavāhana - machasaṁ 5. devadutaṁ syā, maghadeva - machasaṁ * syā kimagghati taṇḍulatāḷikāva khārāṇasi antarabāhirāni, assapañcasatenāti ekā taṇḍulanāḷikāti.

[bjt page 006] [\x   6/]
[pts page 144] [\q 144/]

2. sīlavaggo
11. hoti silavataṁ attho paṭisanthāra 1- vuttinaṁ,
lakkhaṇaṁ passa āyantaṁ ñātisaṅghapurakkhataṁ
atha passasimaṁ kāḷaṁ suvihīnaṁva ñātihiti.
1. lakkhaṇamigajātakaṁ. 2-

[pts page 152] [\q 152/]

12. nigrodhameva seveyya na sākhamupasaṁvase, 3-
nigrodhasmiṁ mataṁ seyyo yañce sākhasmiṁ jīvitanti.
2. nigrodhamigajātakaṁ. 4-

[pts page 155] [\q 155/]

13. dhiratthu kaṇḍinaṁ sallaṁ purisaṁ gāḷhavedhinaṁ,
dhiratthu taṁ janapadaṁ yatthitthi parināyikā,
te cāpi 5- dhikkitā sattā ye itthinaṁ vasaṁ gatāti.
3. gaṇḍinajātakaṁ. 6-

[pts page 158] [\q 158/]

14. na kiratthi rasehi pāpiyo
āvasehi vā santhavehi vā,
vātamigaṁ gehanissitaṁ 7-
vasamānesi rasehi sañjayoti.
4. kharādiyajātakaṁ.

[pts page 160] [\q 160/]

15. aṭṭhakhuraṁ 8- kharādiye migaṁ vaṅkātivaṅkitaṁ, santahi
lāhatikkantaṁ 9- na taṁ ovaditusasaheti.
5. kharidiyajātakaṁ.

[pts page 163] [\q 163/]

16. migatinti pallatthamanekamāyaṁ
aṭṭhakhuraṁ aḍḍharattāvapāyiṁ, 10-
ekena sotena chamāssasanto
chahi kalāhatibhoti bhāgineyyoti.

6. tipallatthamigajātakaṁ 11-

1. paṭisandhāra - machasaṁ 2. lakkhaṇajātakaṁ - machasaṁ, syā 3. nasākhaṁ upasaṁvase - syā 4. nigodhajātakaṁ - machasaṁ, syā, 5. tevāpi - syā 6. kaṇḍijātakaṁ - machasaṁ 7. gahananissitaṁ - machasaṁ syā, 8. aṭṭhakkhuraṁ - machasaṁ, syā, 9. satatahi kālātikkantaṁ syā, sattakālehatikkantaṁ - machasaṁ 10. aṭṭhakkhura aḍḍharattāpapāyi. - machasaṁ, syā, 11. tipallanthajātakaṁ - machasaṁ.

[bjt page 008] [\x   8/]
[pts page 165] [\q 165/]

7. kāḷe 1- vā yadi vā juṇhe yadā vāyati māluto.
vātajāni hi sitāni ubhotthamaparājitāni.
7. mālutajātakaṁ.

[pts page 168] [\q 168/]

18. evañca santā jāneyyuṁ dukkhāyaṁ dukkhāyaṁ jātisambhavo.
na paṇo pāṇinaṁ haññe pāṇaghāti hi sovatiti.
8. matakabhattajātakaṁ.

[pts page 169] [\q 169/]

19. sace muñce pecca muñce 2- muccamāno hi khajjhati,
nahevaṁ dhīrā muccantī mutti khālassa bandhana'nti.

9. āyācitabhattajātakaṁ.

[pts page 171] [\q 171/]

20. disvā padamanuttiṇṇaṁ disvā notaritaṁ padaṁ,
naḷena vāriṁ pivisasāma 3- neva maṁ tvaṁ 4vadhissasi'ti.
10. naḷapānajātakaṁ.

sīlavaggo dutiyo.

tassuddhānaṁ:
athalakkhaṇasākhadhiratthupuna
nakiratthirasehikharādiyā,
atibhotirasamālutapāṇa
muccenanaḷaavhayante bhavanti dasa.

1. kāle - machasaṁ, syā. 2. sace mucce pecca mucce, - machasaṁ 3. pissāma. 4. na ca maṁ tvaṁ - machasaṁ.

[pts page 174] [\q 174/]
[bjt page 010] [\x  10/]

3. kuruṅgavaggo

21. √ātametaṁ kuruṅgassa yaṁ tvaṁ sepaṇaṇi seyyasi,
aññaṁ sepaṇṇiṁ 1- gacchāmi na me te ruccate phalanti.

[pts page 177] [\q 177/]

1. kuruṅgamigajātakaṁ.

22. ye kukkurā rājakulambhi vaddhā 2-
koleyyakā vaṇṇakhalupapannānnā,
te'me na vajjhā mayamasma vajjhā
nāyaṁ saghaccā 3- dubbalaghātikāyanti.

2. kukkurajātakaṁ.

[pts page 180] [\q 180/]

23. api passena semāno sallehi sallikato,
seyyo va vaḷavā bhojjo 4- yuñja maññeva sārathi'ti.
3. bhojājāniyajātakaṁ 5-

[pts page 181] [\q 181/]

24. yadā yattha yadā yattha yattha yadā yadā,
ājañño kurute vegaṁ hāyanti tattha vāḷavā'ti.
4. ājaññajātakaṁ.

[pts page 185] [\q 185/]

25. aññamaññehi titthehi assaṁ pāyehi sārathi,
accāsanassa puriso 6- pāyāsassapi tappatī'ti.

5. titthajātakaṁ.

[pts page 188] [\q 188/]

26. purāṇavorāna vāco nisamma
mabhilāmukho pothayamānuvāri 7-+
susaññatānaṁ hi vaco nisamma.
gajunnamo sabbaguṇesu aṭṭhāti.

6. mahilāmukhajātakaṁ.

1. sepaṇi - machasaṁ, syā 2. rājakulasmi vaḍḍhā - syā 3. saghacchā - machasaṁ. 4. gojo syā. bhojjho - machasaṁ. 5. bhojāniyajātakaṁ - machasaṁ 6. subhito - machasaṁ 7. pothayamanavacāri - machasaṁ + anavadhāri ayameva vā pāṭhoti aṭṭhakathā.

[pts page 190] [\q 190/]
[bjt page 012] [\x  12/]

27. nālaṁ kakhalaṁ 1- padātave
na ca piṇḍaṁ na kuse na ghaṁsituṁ,
maññāmi abhiṇhadassanā
nāgo sinebhamakāsi 2- kukkureti.

7. abhiṇhājātakaṁ.

[pts page 193] [\q 193/]

28. manuññameva bhāseyya nāmanu ññaṁ tudāvanaṁ
manuññaṁ bhāsamānassa garubhāraṁ uddhari,
dhanañca naṁ alabbhesi tenavattamano ahu'ti.

8. nandrivisālajātakaṁ.

[pts page 196] [\q 196/]

29. yato yato garudhuraṁ yato gambhiravantati,
tadassu 3- kaṇhaṁ yuñjanti svāssu taṁ vahate dhuranti.

9. kaṇhajātakaṁ.

[pts page 197] [\q 197/]

30. mā munikassa pihayi āturantāni bhuñjati,
appossu kko bhusaṁ khādaṁ etaṁ dīghāyulakkhaṇanti.
10. munikajātakaṁ.

kuraṅgavaggo tatiyo.

tassuddānaṁ:
kuruṅgassakukkurabhojavaro
puna vāḷavassasirivayato,
vamiḷāmukhanāmanu ññavaro
vahatedhuramunikena dasa.

1. kakhaḷaṁ - machasaṁ. 2. senaha - machasaṁ. 3. tadāssu - machasaṁ syā.

[pts page 203] [\q 203/]
[bjt page 014] [\x  14/]

4. kulāvakavaggo

31. kulāvakā mātali simbalismiṁ
īsāmukhena parivajjayassu,
kāmaṁ cajāma asuresu pāṇaṁ
māyime dijā vikulāvā ahesu'nti. 1-

[pts page 207] [\q 207/]

1. kulāvakajātakaṁ.

32. rudaṁ manuññaṁ ruciyā 2- ca piṭṭhi
veḷuriyaṇṇupanibhā ca 3- gīvā,
vyāmamattāni ca pekhuṇāni 4-
naccena te dhitaraṁ no dadāmi'ti.

[pts page 209] [\q 209/]

2. naccajātakaṁ.
33. sammodamānā gacchanti jālamādāya pakkhino,
yadā te vivadissanti tadā ehinti me vasa'nti.

3. sammodamānajātakaṁ.

34. na maṁ sītaṁ na maṁ uṇhaṁ na maṁ jālasmiṁ bādhanaṁ,
yañca maṁ maññate macchi aññaṁ so ratiyā gato'ti.

[pts page 214] [\q 214/]

4. macchājātakaṁ.

35. santi pakkhā apatanā santi pādā avañcanā,
mātā pitā ca nikkhantā jātameda paṭikkamā'ti.

5. vaṭṭakajātakaṁ.

1. māme dijā vikulavā ahesuṁ - machasaṁ 2. rudhiyā - machasaṁ 3. veḷuriya vaṇṇasantihā ca - machasaṁ 4. pekkhuṇāni - syā.

[pts page 219] [\q 219/]
[pts page 216] [\q 216/]
[bjt page 016] [\x  16/]

36. yaṁ nissitā jagatiruhaṁ vibhaṅgamā
svāyaṁ aggiṁ pamuñcati,
disā bhajatha vakkaṅgā 1-
jātaṁ saraṇato bhayanti.

6. sakuṇajātakaṁ

37. ye vaddhamapacāyanti narā dhammassa kovidā,
diṭṭheva dhamme 2- pāsaṁsā samparāye ca suggati'ti.

[pts page 223] [\q 223/]

7. tittirajātakaṁ.

38. nāccannaṁ nikatippañño nikatyā sukhamedhati,
ārādheti nikatippañño khako kakkaṭakāmivā'ti.

[pts page 226] [\q 226/]

8. bakajātakaṁ.

39. maññe sovaṇṇayo rāsi sovaṇṇamālā ca nandako,
yattha dāso āmajāto ṭhito thullāni gajjati'ti.

[pts page 233] [\q 233/]

9. nandajātakaṁ.

40. kāmaṁ patāmi nirayaṁ uddhapādo avaṁsiro,
nānariyaṁ karissāmi handa piṇaḍaṁ paṭiggahā'ti.

10. khadiraṅgārajātakaṁ.

kulāvakavaggo catuttho.

tassuddānaṁ:
sirimātalidhitarapakkhivaro
ratirarāgatomātāpitā ca puna,
jagatirubhavuddhasukakkaṭako
tathā nandakapiṇḍavarena dasa.

1. vaṅkaṅgā - syā 2. diṭṭhedhamme ca - syā.

[pts page 241] [\q 241/]
[bjt page 018] [\x  18/]

5. atthakāmavaggo

41. yo atthakāmassa hitānukampino
ovajjamāno na kāroti sāsanaṁ.
ajiyā pādamolubbha 1-
mittako viya sovatīti.

[pts page 244] [\q 244/]

1. losakajātakaṁ.

42. yo atthakāmassa hitānukampino
ovajjamāno na kāroti sāsanaṁ,
kapotakassa vacanaṁ akatvā
amintahatthatthagatova setī'ti.

[pts page 246] [\q 246/]

2. kapotakajātakaṁ.

43. yo atthakāmassa hitānukampino
ovajjamāno na kāroti sāsanaṁ,
evaṁ so nihato seti
veḷukasasa yathā pitā'ti.

[pts page 247] [\q 247/]

3. veḷukajātaka.

44. seyyo amitto matiyā upette
nattheva mitto mativippahīno. ,
makasaṁ vadhissanti hi eḷamugo
putto pitu abbhidā uttamaṅganti.

[pts page 249] [\q 249/]

4. makasajātakaṁ.

45. seyyo amitto medhāvi yañce bālānukampako,
passa rohiṇikaṁ jammiṁ mātaraṁ hantvāna sovati'ti.

[pts page 251] [\q 251/]

5. rohiṇijātakaṁ.

46. na ve anatthakusalena atthacariyā sukhāvahā,
hāpeti atthaṁ dummedho kapi ārāmiko yathā'ti.

6. ārāmadusakajātakaṁ.

1. ajāya pādamolambā - machasaṁ

[pts page 252] [\q 252/]
[bjt page 020] [\x  20/]

47. na ce anatthakusalena atthacariyā sukhāvahā,
hāpeti atthaṁ dummedho koṇḍañño vāruṇiṁ yathāti.

7. vāruṇidusakajātakaṁ

[pts page 256] [\q 256/]

48. anupāyena yo atthaṁ icchati so vihaññati,
cetā haniṁsu vedabbhaṁ 1- sabbe te vyasanamajjhaguti

8. vedabbhajātatakaṁ. 2-

[pts page 258] [\q 258/]

49. nakkhantaṁ patimānennaṁ attho bālaṁ upaccagā,
attho atthassa nakkhantaṁ kiṁ karissanti tārakā'ti

9. nakkhattajātakaṁ.

[pts page 260] [\q 260/]

50. dummedhānaṁ sahassena yañño me upayāvito,
idāni khohaṁ yajissāmi bahu adhammiko jano'ti.

10. dummedhajātakaṁ.

atthakāmavaggo pañcamo.
paṭhamo paṇṇasako.

tassuddānaṁ:
athamittakamātukapotavaro
tathāveḷukaeḷamugorohiṇi,
kapivāruṇicetacarā ca puna
kathā tārakayaññavarena dasa

1. vedabbaṁ - machasaṁ, syā 2. vedabba - machasaṁ, syā

[pts page 267] [\q 267/]
[bjt page 022] [\x  22/]

6. āsiṁsamaggo

51. āsiṁseṭheva 1- puriso na nibbindeyya paṇḍito,
passāmi vohaṁ antānaṁ yathā icchiṁ tathā ahuti
1. mahāsilavajātakaṁ.

[pts page 268] [\q 268/]

52. vāyametheva puriso na nibbindeyya paṇḍito,
passāmi vohaṁ antānaṁ udakā thalamubbhata'nti

2. cuḷajanakajātakaṁ.

[pts page 269] [\q 269/]

53. tatheva puṇṇā pātiyo aññāyaṁ vattate kathā,
ākarakena jānāmi na cāyaṁ bhaddikā 2- surāti.

3. puṇṇapātijātakaṁ.

[pts page 272] [\q 272/]

54. nāyaṁ rukkho durārūho napi gāmato ārakā,
ākārakena jānāmi nāyaṁ sāduphalo dumoti.

4. kiṁphalajātakaṁ. 3-

[pts page 275] [\q 275/]

55. yo alinena cintena alinamanaso naro,
bhāveti kusalaṁ dhammaṁ yogakkhemassa pattiyā
pāpuṇe anupubbena sabbasaññojanakkhayanti.

5. pañcāvudhajātakaṁ.

[pts page 278] [\q 278/]

56. yo pahaṭṭhena cittena pahaṭṭhamanaso naro
bhāveti kusalaṁ dhammaṁ yogakkhemassa pattiyā
pāpuṇe anupubbena sabbasaṁyojanakkhayanti.

6. kañcanakkhandhajātakaṁ.

1. asisetheva - machasaṁ 2. nevāsaṁ bhaddakā - syā 3. phalajātakaṁ - sīmu, syā.

[pts page 280] [\q 280/]
[bjt page 024] [\x  24/]

57. yassete caturo dhammā vānarinda yathā tava,
yaccaṁ dhammo ṭhiti cāgo diṭṭhaṁ so ativattati'ti.

7. vanarinda jātakaṁ.

[pts page 282] [\q 282/]

58. yassa ete tayo 1- dhammā vānarinda yathā tava.
dakkhiyaṁ suriyaṁ paññā diṭṭhaṁ so ativattatī'ti.

8. tayodhammajātakaṁ.

59. dhame dhame nātidhame atidhannaṁ hi pāpakaṁ,
dhannena 2- sataṁ laddhaṁ atidhannena nāsita'nti.

9. bherivādajātakaṁ.

[pts page 283] [\q 283/]

60. dhame dhame nātidhame atidhannaṁ pāpakaṁ,
dhannenādhigatā bhegā te tāto vidhami dhamanti.

10. āsiṁsavaggo chaṭṭho. 4-

tassuddānaṁ:
yathaicchiṁ tathāhudakāthalā
surasāduphalovaalinamano,
sampahaṭṭhamano caturo ca tayo
sataladdhakabhogadhanenadasa.

1. yassete ca. - machasaṁ, syā 2. dhamatte aṁ dhattena - syā. 3. saṅkhadhamma - machasaṁ. 4. āsisavaggo - machasaṁ.

[pts page 288] [\q 288/]
[bjt page 026] [\x  26/]

7. itthivaggo

61. asā 1- lokitthiyo nāma velā tāsaṁ na vijjati,
sārantā ca pagabbhā 2- ca sikhi sabbaghaso yathā;
tā hiratvā pabbajissāmi vivekamanubruhayanti.

1. asātamantajātakaṁ.

62. yaṁ brāhmaṇo avādesi viṇaṁ sammukhaveṭhito,
andhabhūtā hatā hariyā tāsu ko jātu vissase'ti.

andhabhūtajātakaṁ. 3-

[pts page 298] [\q 298/]

63. kodhanā akataññu ca pisunā ca vibhedikā, 4-
brahmacariyaṁ cara bhikkhu so sukhaṁ na hohisiti. +

3. takkajātakaṁ. 5-

[pts page 300] [\q 300/]

64. mā su nanandi icchati maṁ māsu sovi na icchati, 6-
thinaṁ bhāvo durājāno macchassevodake gatanti.

4. durājānajātakaṁ.

[pts page 302] [\q 302/]

65. yathā nadi ca pantho ca pānāgāraṁ sabhā papā,
evaṁ lokitthiyo nāma nāsaṁ kujjhanti paṇḍitāni.

5. anabhiratijātakaṁ.

1. āsā - syā 2. pagabbāma - machasaṁ 3. aṇḍabhūtā bhatajātakaṁ - machasaṁ. 4. jātakavatthu pisuṇāmittadubhikā. machasaṁ pisuṇā mittabhedikā. + na paribhāhisitipi pāṭho ayamevattho aṭṭhakatā. 5. takakapaṇḍitajātakaṁ - machasaṁ. 6. namicchati - machasaṁ.

[pts page 306] [\q 306/]
[bjt page 028] [\x  28/]

66. ekā icchā pure āsi aladdhā mudulakkhaṇaṁ,
yato laddhā aḷārakkhi icchi icchaṁ vijāyathāti.

6. mudulakkhaṇapātakaṁ.

[pts page 308] [\q 308/]

67. ucchaṅge deva me punto pathe dhāvantiyā pati,
tañca desaṁ na pasasāmi yato sodariyamānayeti, 1-

7. ucchaṅgajātakaṁ.

[pts page 309] [\q 309/]

68. yasmaṁ mano nivisati cittaṁ vāpi 2- pasidati,
adiṭṭhapubbake pose kāmaṁ tasmimpi vissase'ti

8. sāketajātakaṁ.

[pts page 311] [\q 311/]

69. dhiratthu taṁ visaṁ vantaṁ yamahaṁ jīvitakāraṇā,
vantaṁ paccāvamissami 3- mataṁ me jīvitā varanti.

9. visavantajātakaṁ.

[pts page 313] [\q 313/]

70. na taṁ jitaṁ sādhu jitaṁ yaṁ jitaṁ avajiyati,
taṁ kho jitaṁ sādhu jitaṁ yaṁ jitaṁ nāvajiyatīti.

10. kuddālajātakaṁ.

itthivaggo sattamo.

tassuddānaṁ:
sikhi sabbaghasopi ca viṇavaro
pisunamittabhedikānaddinadi,
mudulakkhaṇasodariyācamano
visasādhujitena bhavanti dasa.

1. sodariyaṁnayo - machasaṁ 2. cittañcāpi - machasaṁ, syā. 3. pabbāharissāmi - machasaṁ.

[pts page 319] [\q 319/]
[bjt page 030] [\x  30/]

8. varaṇavaggo

71. yo pubbe karaṇiyāni pacchā so kātumicchati,
varaṇa 1- kaṭṭhabhañjova sa pacchāmanutappatiti.

1. varaṇajātakaṁ. 2

[pts page 322] [\q 322/]

72. akataññassa posassa niccaṁ vivaradassino,
sabbañce paṭhaviṁ dajjā neva naṁ abhirādhayeti.

2. sīlavanāgarāja 3- jātakaṁ.

[pts page 326] [\q 326/]

73. saccaṁ kirevamāhaṁsu narā ekacciyā idha,
kaṭṭhaṁ viplāvitaṁ 4- seyyo natthevekacciyo naroti.

3. saccaṁkirajātakaṁ.

[pts page 329] [\q 329/]

74. sādhu sambahulā ñāti api rukkhā araññajā,
vāto vahati ekaṭṭhaṁ buhantampi vanaspatinti. 5-

4. rukkhadhammajātakaṁ.

[pts page 332] [\q 332/]
75. abhitthanaya pajjunna nidhiṁ kākassa nāsaya,
kākaṁ sokāya randhehi mañca sokā pamocayā'ti.
5. macchajātakaṁ.

[pts page 334] [\q 334/]
76. asaṅkiyombhi gāmambhi araññe natthi me bhayaṁ,
ujumaggaṁ samārūḷho mettāya karuṇāya cāti.
6. asaṅkiyajātakaṁ.

1. 1. varūṇaṁ syā varūṇakaṭṭha - machasaṁ 2. varūṇajātakaṁ - machasaṁ, syā 3. silavahatthi syā silavanāga - machasaṁ 4. nillavitaṁ syā nipphavitaṁ - machasaṁ 5. vanappatiṁ - machasaṁ, syā

[pts page 336] [\q 336/]
[bjt page 032] [\x  32/]
77. usabhā rukkhā gāmiyo gāvā ca,
asso kaṁso sigāli ca tumbho,
pokkharaṇi ca apākacandanaṁ

lāpuni sidanti silā plavanti.
maṇḍukiyo kaṇhasappe gilanti.
kākaṁ suvaṇṇā parivārayanti.
tasāvakā phaḷakānaṁ bhayā hi
vipariyāso 1- vattati na idhamatthiti.
7. mahāsupinajātakaṁ.

[pts page 353] [\q 353/]
78. ubho khañjā ubho kuṇi ubho visamacakkhukā,
ubhinnaṁ piḷakā jātā nāhaṁ pasasāmi illisanti.
8. illīsajātakaṁ.

[pts page 355] [\q 355/]
79. yato vilunnā ca hatā ca gāvo
daḍḍhāni gehāni jano ca nito,
athāgamā punnahatāya putto
kharassaraṁ deṇḍimaṁ 2- vādayantoti.
9. kharassarajātakaṁ.

[pts page 359] [\q 359/]
80. yante pavikatthitaṁ 3- pure
atha te putigharā saranti pacchā.
ubhayaṁ na sameti bhimasena 4-
yuddhakathā ca idaṁ ca te vihaññanti.
10. bhīmasenajātakaṁ. 5-

varaṇa 6- vaggo aṭṭhamo.

tassuddānaṁ:
varaṇā akataññuvaresusaccavaraṁ savanappatinā ca abhitthanaya,
karuṇāyasilāppavaitthisato puna deṇḍimaputisarena dasa.

1. vipariyāyo - machasaṁ, syā 2. dindimaṁ - machasaṁ. 3. cikkatthitaṁ - machasaṁ 4. bhimmasena - machasaṁ 5. bhimmasenajātakaṁ - machasaṁ 6. varuṇa - machasaṁ, syā.

[pts page 362] [\q 362/]
[bjt page 034] [\x  34/]
9. apādhimbhavaggo

81. apāyimbha anavacimbha agāyimbha rudimbha ca,
visaññakaraniṁ 1- pitvā 2- diṭṭhā nāhumbha vānarā'ti.
1. surāpānajātakaṁ.

[pts page 363] [\q 363/]
82. atikkamma ramaṇakaṁ sadāmantañca dubhakaṁ, 3-
svāyi pāsāṇamāsino yasmā jīvaṁ na mokākhasi'ti.
2. mittavindajātakaṁ.

[pts page 365] [\q 365/]
83. minto bhave santapadena 4- hoti
sahāyo pana dvādasakena hoti,
māsaddhamāsena ca ñāti hoti
tatuttariṁ antasamopi hoti.
sohaṁ kathaṁ antasukhassa hetu 5-
cirasanthutaṁ 6- kālakaṇṇiṁ jaheyyanti.
3. kālakaṇṇijātakaṁ.

[pts page 366] [\q 366/]
84. ārogyamicche paramañca lābhaṁ
silañca vuddhānumataṁ sutañca,
dhammānuvatti ca alinatā ca 7-
atthassa dvārā pamukhā chaḷete'ti.
4. atthassadvārajātakaṁ.

[pts page 368] [\q 368/]
85. āyatidosaṁ nāññāya yo kāme patisevati,
vipākante hananti naṁ kiṁpakkamiva bhakkhitanti.
5. kimpakkajātakaṁ.

1. visaññikaraṇaṁ - machasaṁ, syā 2. pitvā - machasaṁ, 3. dusakaṁ - machasaṁ 4. satapadena - machasaṁ 5. atthasukhassa - machasaṁ 6. virasandhacaṁ - machasaṁ. 7. dhammānuvattiñca alinatañca - machasaṁ.

[pts page 371] [\q 371/]
[bjt page 036] [\x  36/]
86. sīlaṁ kireva kalyāṇaṁ sīlaṁ loke anuttaraṁ,
passa ghoraviso nāgo silavātina haññati'ti.
6. silavimaṁsajātakaṁ.

[pts page 374] [\q 374/]
87. yassa maṅgalā samuhatā
uppātā supinā ca lakkhaṇā ca,
samaṅgadosavitivatto 1-
yugayogādhigato na jātumetiti.
7. maṅgalajātakaṁ.

[pts page 375] [\q 375/]
88. kalyāṇimeva muñceyya nahi muñceyya pāpikaṁ,
mokkho kalyāṇiyā sādhu mutvā tapati 2- pāpikanti.
8. sārambhajātakaṁ.

[pts page 376] [\q 376/]
89. vācāva kira te āsi saṇhā sakhilabhāṇino,
tiṇamatte asajjittho no ca nikkhasataṁ haranti.
9. kuhakajātakaṁ

[pts page 378] [\q 378/]
90. yo pubbe katakalyāṇo katattho nāvakhujjhati,
pacchā kicce samuppanne kattāraṁ nādhigacchati.
10. akataññajātakaṁ.
apāyimbhavaggo navamo.

tassuddānaṁ:
apāyimbha ca dubhakasantapadaṁ
chaḷadvāra ca āyatinā ca puna,
abhisilavamaṅgalipāpikassā
satanikkhakatatthavarena dasa.

1. somaṅgala - syā 2. kappati - machasaṁ, syā.

[pts page 380] [\q 380/]
[bjt page 038] [\x  38/]
10. littavaggo

91. lintaṁ paramena tejasā
gilamakkhaṁ puriso na khujjhati,
gila re gila pāpadhuntaka
pacchā te kaṭukaṁ bhavissatīti.
1. litta jātakaṁ

[pts page 387] [\q 387/]
92. ukkaṭṭhe sasuramicchanti mantisu akutuhalaṁ,
piyañca annapānambhi atthe jāte ca paṇḍitanti.
2. mahāsārajātakaṁ.

[pts page 389] [\q 389/]
93. na vissase avisasatthe vissatthepi na vissase,
vissāsā bhayamatveti sihaṁva migamātukā'ti.
3. vissāsabhojanajātakaṁ.

[pts page 390] [\q 390/]
94. so tatto sosino eko hiṁsanake vane
naggo na caggimāsino phasanā pasuto munī'ti.
4. lomahaṁsajātakaṁ.

[pts page 392] [\q 392/]
95. aniccā vata saṅkhārā uppādavayadhammino,
uppajjitvā nirujjhanti tesaṁ vupasamo sukhoti.
5. mahāsudassanajātakaṁ.

[pts page 400] [\q 400/]
[bjt page 040] [\x  40/]
96. samatittikaṁ anavasesakaṁ 1-
telapanhaṁ yathā parihareyya,
evaṁ sacinnamanurakkhe
patthayāno disaṁ agatapubbanti.
6. telapattajātakaṁ

[pts page 403] [\q 403/]
97. jivakañca mataṁ disvā dhanapāliñca duggataṁ, 2 panthakañca vane muḷhaṁ pāpako punarāgato'ti.
7. nāmasiddhijātakaṁ.

98. sādhu kho paṇḍito nāma natteva atipaṇḍito.
atipaṇḍitena puttena manambhi 3- upakulito'ti,
8. kuṭavāṇijajātakaṁ.

[pts page 407] [\q 407/]
99. parosabhassampi samāgatānaṁ
kandeyyuṁ 4- te vassasataṁ apaññā,
ekova seyyo puraso sapañño
yo bhāsitassa vijānāti attha'nti.
9. parosahassajātakaṁ.

[pts page 410] [\q 410/]
100. asātaṁ sātarūpena piyarūpena appiyaṁ
dukkhaṁ sukhassa rūpena pamattamativattatī'ti.
10. ātarūpajātakaṁ.

litatavaggo dasamo.
tassuddānaṁ:
gilamakkhatutuhalamātukassā muninā ca aniccatapatthavaraṁ, dhanapālivaro atipaṇḍitako
saparosahassa asāta dasa.
majjhimapaṇṇā sako.
1. anavasekaṁ - machasaṁ, syā 2. duggatiṁ - machasaṁ. 3. dhanambhi upakuṭito - syā. manambhi upakuṭhito - machasaṁ.
4. kandeyyuko - syā.

[bjt page 042] [\x  42/]
11. parosatavaggo

101. parosatañcepi samāgatānaṁ
jhāyeyyuṁ te vassasataṁ apaññā,
ekova seyyo puriso sapañño
yo bhāsitassa vijānāti attha'nti.
1. parosatajātakaṁ.

[pts page 412] [\q 412/]
102. yo dukkhaphuṭṭhāya bhaveyya tāṇaṁ
so me pitā dubhi 1- vane karoti,
sā kassa kandāmi vanassa majjhe
yo tāyitā so sahasā karotīti.
2. paṇṇikajātakaṁ.

[pts page 413] [\q 413/]
103. yattha veri nivasati na vase tattha vase tattha paṇḍito,
ekarantaṁ dirantaṁ vā dukkhaṁ vasati verisuti.
3. verījātakaṁ.

[pts page 414] [\q 414/]
104. catubbhiaṭṭhajjhagamā aṭṭhāhi - pi ca soḷasa,
soḷasāhi ca khattiṁsa atricchaṁ cakkamāsado.
icchāhatassa posassa cakkaṁ bhamati matthaketi.
4. mittavindajātakaṁ.

[pts page 415] [\q 415/]
105. bahuṁ petaṁ mane kaṭṭhaṁ vāto bhañjati dubbalaṁ;
tassa ce bhāyasi nāga kiso nūna bhavissasiti.
5. dubbalalakaṭṭhajātakaṁ.

1. dubbhi - machasaṁ, syā.

[pts page 417] [\q 417/]
[bjt page 044] [\x  44/]
106. susukhaṁ vata maṁ jīvannaṁ1 pacamānā udañcanī
corī jāyappavādena telaṁ loṇañca yācatīti.
6. udañcanījātakaṁ.

[pts page 420] [\q 420/]
107. sādhu kho sippakaṁ nāma api yādisakīdisaṁ,
passa khañjappahārena2 laddhā gāmā catuddimāti.
7. sālittakajātanaṁ.

[pts page 421] [\q 421/]
108. sikkheyya sikkhitabbāni santi sacchandino janā, bāhiyā hi subhantena3 ejānamabhirādhayīti4.
8. bāhiyajātakaṁ5.

[pts page 423] [\q 423/]
109. ṭathanto puriso hoti tathannā tassa devatā,
āharetaṁ kaṇaṁ pūvaṁ6 mā me bhāgaṁ vināsayāti
9. kuṇḍapūvajātakaṁ.

110. sabbasaṁhārako natthi suddhaṁ kaṅgu pavāyati.
alikaṁ bhāsata yaṁ dhuttī saccamāha mahallikāti.
10. sabbasaṁhārakapañho.

parosatavaggo ekādasamo.

tassuddānaṁ:

saparosatatāyitaverī puna
bhavacakkatha nāgasirivhavano,
sukhakañcavatasippakabāhiyā
kuṇḍapūvamahallikakā ca dasa.

1. sukhataṁ vata maṁ jīvā - machasaṁ. 2. khajjappahārena - machasaṁ. 3. bāhirā hi suhadena - machasaṁ. 4. rājānaṁ abhirādhayi - syā. 5. bāhira - machasaṁ. 6. kuṇḍapūvaṁ - machasaṁ, syā.

[bjt page 046] [\x  46/]
12. haṁsivaggo

111. haṁsi tvaṁ 1- evamaṁññasi
seyyo puttena pitāti rājaseṭṭha,
handassatarassa te ayaṁ
assatarassa hi gadrabho pitā'ti.
1. gadrabhapañho.

112. yena sattukhilaṅgā ca diguṇa palāso ca pupphito,
yenādāmi tena vadāmi yena nādāmi na tena vadāmi
esa maggo yava majjhakasasa etaṁ channapathaṁ vijānāhiti.
2. amarādevipañho.

[pts page 426] [\q 426/]
113. saddahāsi sigālassa 2- surāpitassa brāhmaṇa,
sippikānaṁ sataṁ natthi kuto kaṁsasatā duveti.
3. sigālajātakaṁ. 3-

[pts page 428] [\q 428/]
114. bahucinti appacinti ca ubho jāle akhajjhare,
mitacinti amocesi 4- ubho tattha samāgatā'ti.
4. mitacinatijātakaṁ.

[pts page 429] [\q 429/]
115. yāyaññamanusāsati 5- loluppacāriṇi,
sāyaṁ vipakkhikā seti hatā cakkena sāḷikāti. 6-
5. anusāsika jātakaṁ. 7-

1. hañcituvaṁ - machasaṁ. 2. siṅgālassa - machasaṁ. 3. siṅgāla - machasaṁ. 4. pamoci - machasaṁ. 5. yāyaññe - machasaṁ. 6. sāyikā - machasaṁ.
7. lolasāsika - machasaṁ.

[pts page 431] [\q 431/]
[bjt page 048] [\x  48/]
116. atikaramakarācariya mayhampetaṁ na ruccati,
catutthe laṅghayitvāna pañcamiyasmiṁ 1- āvutoti. 2-
6. dubbacajātakaṁ.

[pts page 432] [\q 432/]
117. accuggatā 3- atibalatā ativelaṁ pahāsitā,
vācā bhanti dummedhaṁ tittiraṁvātivassata'nti.
7. tittirajātakaṁ.

[pts page 435] [\q 435/]
118. nācintayanto puriso visesamadhigacchati,
cintitassa phalaṁ passa munnosmi vadhabandhanā'ti.
8. vaṭṭakajātakaṁ.

[pts page 436] [\q 436/]
119. amātāpitari 4- saṁvadedhā anācariyatule 5- vasaṁ,
nāyaṁ kālaṁ 6- akālaṁ vā abhijānāti kukkuṭo'ti.
9. akālarāvījātakaṁ.

[pts page 440] [\q 440/]
120. abaddhā 7- khajjhanti yattha khālā pabhāsare,
baddhāpi tattha muccanti yattha dhīrā pahāsare'ti.
10. bandhanamokkhajātakaṁ.
bhaṁghavaggo dvādasamo.

tassuddānaṁ:
athagadrabhasattu cakaṁsasataṁ
bahucintisāsikāyātikara,
ativelavisesamanācariyo ca
dhirāpabhāsaratena dasa.

1. pañcamāyasi - machasaṁ, syā, 2. ādhuko - machasaṁ.
3. accuggatātilapanā - machasaṁ. 4. amātāpitara - syā, machasaṁ.
5. anāvera - machasaṁ. 6. kālamakālaṁ vā - syā
7. akhandhā - machasaṁ.

[pts page 443] [\q 443/]
[bjt page 050] [\x  50/]
13. kusanāḷivaggo

121. kare sarikkho athavāpi seṭṭho
nihīnako cā'pi kareyya eko,
kareyyuṁ 1- te vyasane untamatthaṁ
yathā ahaṁ kusanāḷi rucāya'nti.
1. kusanāḷijātakaṁ.

[pts page 445] [\q 445/]
122. yasaṁ laddhāna dummedho anatthaṁ carati attano,
antano ca paresañca hiṁsāya paṭipajja'ti.
2. dummedha jātakaṁ.

[pts page 449] [\q 449/]
123. asabbatthagāminaṁ vācaṁ khālo sabbattha bhāsati,
nāyaṁ dadhiṁ vedi na naṅgalisaṁ dadhimpayaṁ 2- maññati naṅgalisanti.
3. naṅgalisajātakaṁ.

[pts page 450] [\q 450/]
124. vāyametheva puraso na nibbindeyya paṇḍito,
vāyāmassa phalaṁ passa bhuttā ambā anitihanti.
4. ambajātakaṁ.

[pts page 454] [\q 454/]
125. bahumpi so vikattheyya aññaṁ janapadaṁ gato,
anavāgantvāna duseyya bhuñja bhoge kaṭāhakāti.
5. kaṭāhakajātakaṁ.

1. kareyyu- machasaṁ, syā. 2. dadhippayaṁ (mete) - machasaṁ, syā.

[pts page 458] [\q 458/]
[bjt page 052] [\x  52/]
126. tathevekassa 1- kalyāṇaṁ tathevekassa pāpakaṁ,
tasmā sabbaṁ na kalyāṇaṁ sabbaṁ vāpi na pāpakanti.
6. asilakkhaṇajātakaṁ

[pts page 459] [\q 459/]
127. te desā tāni vatthuni ahañca vanagocaro,
anuvicca kho taṁ gaṇheyyuṁ pikha 2- khiraṁ kalaṇḍukāti.
7. kalaṇḍukajātakaṁ.

[pts page 461] [\q 461/]
128. yo ce dhammaṁ dhajaṁ katvā niguḷho pāpamācare,
vissāsayitvā bhūtāni khiḷāraṁ nāma taṁ vatanti.
8. khiḷāravatajātakaṁ.

[pts page 462] [\q 462/]
129. nāyaṁ sikhā puññahetu ghāsahetu ayaṁ sikhā,
na'ṅguṭṭhagaṇanaṁ yāti alante hotu aggikāti.
9. aggika 4- jātakaṁ.

[pts page 464] [\q 464/]
130. yathā vācā ca bhuñjassu yathābhuttañca vyāhara,
ubhayaṁ te na sameti vācābhuttañca kosiyeti.
10. kosiyajātakaṁ.
kusanāḷivaggo 5- terasamo.

tassuddānaṁ:
kusanāḷisirivhayano ca yasaṁ
adhimambakaṭāhakapañcamako,
atha pāpaka khirakhiḷāravataṁ
sikhikosiyasavabhayanena dasa.

1. tadevakasasa - "ayameva vā pāṭho. dutiyadepi esevanayo" aṭṭhakatā.
2. piva machasaṁ - syā. 3. musikajātakaṁ - syā 4. agigikabhāravāja - machasaṁ
5. sarikkhavaggo - machasaṁ

[pts page 467] [\q 467/]
[bjt page 054] [\x  54/]

14. asampadānavaggo.

131. asampadānetitaritarassa
khālassa mintāni kalibhavanti,
tasmā harāmi bhusaṁ aḍḍhamānaṁ
mā me mitti jiyittha 1- yassatāyanti.
1. asampadānajātakaṁ.

[pts page 470] [\q 470/]
132. kusalupadese dhitisā daḷhāya ca
avatthitatantā 2- bhayahīrutāya ca,
na rakkhasinaṁ vasamāgamimbha 3-
sa sotthibhāvo mahatā bhayena meti,
2. pañcagarukajātakaṁ. 4-

[pts page 472] [\q 472/]
133. khemaṁ yahiṁ tattha arī udīrito
udakasasa 5- majjhe jalate ghatāsano,
na ajja vāso mahiyā mahīruhe
disā bhajavho saraṇajja no bhayanti.
3. ghatāsanajātakaṁ.

[pts page 473] [\q 473/]
134. ye saññino tepi duggatā
yepi asaññino tepi duggatā, etaṁ ubhayaṁ vivajjaya
taṁ samāpattisukhaṁ anaṅgaṇa'nti.
4. jhānasodhanajātakaṁ.

[pts page 474] [\q 474/]
135. candābhaṁ suriyāhañca yo'dha paññāya gādhati,
avitakkena jhānena hoti āhassarūpagoti.
5. candābhajātakaṁ.

1. bhijjittha - machasaṁ, syā. 2. anivattitatto - machasaṁ. 3. vasamāgamimbhase - machasaṁ. 4. hirūkajātakaṁ - machasaṁ, syā. (pañcabhirukajātaṁ) 5. dakassa - machasaṁ, syā

[pts page 476] [\q 476/]
[bjt page 056] [\x  56/]
136. yaṁ laddhaṁ tuṭṭhabbaṁ atilobho hi pāpako,
haṁsarājaṁ gahetvāna suvaṇṇā parihāyathāti.
6. suvaṇṇahaṁsajātakaṁ.

[pts page 480] [\q 480/]
137. yattheko labhate babbu dutiyo tattha jāyati,
tatiyo ca catuttho ca idaṁ babakhukā khilanti.
7. babbukajātakaṁ.

[pts page 481] [\q 481/]
138. kinte jaṭāhi dummedha kinte ajinasāṭiyā,
abbhantaraṁ te gahanaṁ bāhiraṁ parimajjasītita
8. godhajātakaṁ.

[pts page 483] [\q 483/]
139. akkhi hintā paṭo naṭṭho sakhi gehe ca bhaṇḍanaṁ,
ubhato paduṭṭhakammanto udakambhi thalambhi cāti.
9. ubhatobhaṭṭhajātakaṁ.

[pts page 486] [\q 486/]
140. niccaṁ ubbiggahadayā sabbalokavihesakā,
kasmā tesaṁ vasā natthi kākānasmāka ñātīna'nti.
10. kākajātakaṁ.
asampadānavaggo cuddasamo.

tassuddānaṁ:
itaritararakkhasikhemiyo ca
parosatapañhena āhassaro puna,
atha haṁsavarūttamababbujaṭaṁ
paṭanaṭṭhakakākavarena dasa.

[pts page 488] [\q 488/]
[bjt page 058] [\x  58/]
15. kakaṇaṭakavaggo.

141. na pāpajanasaṁsevi accantasukhamedhati,
godhākulaṁ kakaṇṭo'va *kaliṁ papeti antānanti.
1. godhajātakaṁ.

142. etaṁ hi te durājānaṁ yaṁ sesi matasāyikaṁ,
yassa te kaḍḍhamānassa hatthā daṇḍo na muccatī'ti.
2. sigālajātakaṁ.

[pts page 493] [\q 493/]
143. lasi ca te nipphalitā matthako ca vidāḷito,
sabbā te phāsukā bhaggā ajja kho tvaṁ virocasī'ti.
3. virocanajātakaṁ.

[pts page 494] [\q 494/]
144. bahumpetaṁ asaṅgi jātaveda
yaṁ taṁ vāladhinā hi pujayāma,
maṁsārahassa natthajja maṁsaṁ
naṅguṭṭhampi bhavaṁ paṭiggahātu'ti.
4. naṅguṭṭhajātakaṁ.

[pts page 496] [\q 496/]
145. na tvaṁ rādha vijānāsi aḍḍharatte anāgate,
avyāyataṁ vilapasi virattā kosiyāyane'ti.
5. rādhajātakaṁ.

[pts page 498] [\q 498/]
146. api nu hanukā santā mukhañca parisussati,
dharamāma na pārema purateva mahodadhi'ti.
6. kākajātakaṁ. 1-

+ pāḷiyaṁ sana phaḷaṁ pāpetiti likhanti, taṁ vyañjanaṁ aṭṭhakathāya natthi atthe pissa na yujjati. tasmā yathāvuttameva gahetabbaṁ, aṭṭhakathā. 1. samuddakākajātakaṁ.

[pts page 500] [\q 500/]
[bjt page 060] [\x  60/]
147. na idaṁ dukkhaṁ aduṁ dukkhaṁ yaṁ maṁ tudati vāyaso
yaṁ sāmā puppharattena kattikaṁ nānubhossatiti.
7. puppharatajātakaṁ.

[pts page 503] [\q 503/]
148. nāhaṁ punaṁ na ca punaṁ na cāpi apunappunaṁ.
hatthikhonduṁ pavekkhāmi. tathā hi bhayatajjito'ti.
[pts page 507] [\q 507/]

8. silālajātakaṁ.
149. ekapaṇṇe ayaṁ rukkho na bhumyā caturaṅgulo,
phalena visakappena mahāyaṁ kiṁ bhavissatiti.
9. ekapaṇṇajātakaṁ.

[pts page 511] [\q 511/]
150. asantaṁ yo pagaṇhāti asantañcupasevati,
tameva ghāsaṁ kurute vyaggho sañjivako yathāti.
10. sañjivajātakaṁ.
kakaṇaṭakavaggo 1- paṇṇarasamo.
tassuddānaṁ:
sukhamedhatidaṇḍavaro ca puna
lasivāladhipañcamarādhavaro,
samahodadhikattikakhondi puna
caturaṅgulabyagghavarena dasa.
uparimapaṇṇāsako
ekakanipāto niṭṭhito.
tatra vagguddānaṁ:
apaṇṇakaṁ sīlavaggakuruṅga
kulāvakaṁ atthakāmenapañcamaṁ,
āsiṁsoitthivaruṇaṁ apāyi.
lintavaggena terasa,
parosataṁ haṁsisarikkhaṁ
asampadaṁkakaṇṭavaggo.
1. pāpasevanavaggo- machasaṁ.