هيلووو، فالجزء اللي فات شفنا كيفاش كايخدم لـ bot وشنو الفرق بين البوت العادي و البوت اللي خدام بالذكاء الإصطناعي، اليوم غانشوفو كيفاش كايتدخل لـ ai في بناء المتحدث الألي (اللي حتى هو bot) بحال google home و غيرها من البوتات المشهورة اللي خدامة بالذكاء الإصطناعي، و غانطرقو لما يسمى بـ speech recognition.
ببساطة فاش كاتقول للحاسوب هاي و كايشد هاد هاي و كايحولها لـ text هاد العملية كتسمى بـ speech recognition.
و هاد speech recognition عندنا زوج د الأنواع اللي خدام بالذكاء الاصطناعي و العادي. فمثلا فاش كتدخل لـ google translate كتسجل شي كلمة باش يترجمها ليك راه ماكايستخدمش شي محرك لقط أصوات عادي، بل كايستعمل خوارزميات ذكاء اصطناعي اللي كتمكنو أنه يعرف الكلمات من ناحية لـ context اللي هضرت عليها فالجزء اللي فات و هكا يقدر يرصد حتال 90% من دكشي اللي قلتي ليه على عكس محرك لقط أصوات العادي.
أنا عارف بلي مزال ماغايبانش ليكم الفرق، أوك تخيل معايا أنك كتدوي مع شي bot قلتي ليه hi رد عليك hello حتال هنا ماكايناش صعوبة، تخيل أنك سولتيه على شي حاجة أصعب بحال how the weather is look like today ? هنا ولا عندنا مشكل فـaccent حيت كل واحد وكيفاش كاينطق نفس الكلمة لذلك الميكروفون ماكايقدرش يضبط الحرف على حسب كيفاش نورمالمون خاص يتنطق فاللغة. باش نزيد نوضح هاد النقطة أكثر، فبريطانيا كاينقطو بعض الكلمات الانجليزية بطريقة و فأمريكا بطريقة مغايرة نتا براسك غادي دوخ فانك تضبط بين الانجليزية تاع ابريطانيا مع تاع امريكا فما بالك بالحاسوب، مثلا كلمة water ضربو طليلة على الصورة تاع أول تعليق باش تباو الفكرة اللب بغيت نوصل. و هنا فين كايبان الدور تاع خوارزميات الذكاء الإصطناعي حيت كتحل هاد المشكل و كايولي الوت قادر على أنه يلقط أحرف الكلمات بناءا على لـ context.
أوك إسماعيل شنو الفرق بين خوارزميات الذكاء الإصطناعي و الخوارزميات العادية اللي كتقوم بلقط الكلام ؟
فالصورة اللي حطيت غانوضح ليكم الفرق، كيفما كايبان ليكم الصورة عبارة عن جدول، اللون الأخضر بالنسبة للبوت اللي خدام بـ ai و اللون الأحمر بالنسبة للبوت العادي. البوت اللي خدام بـ ai كيفما كتشوفو كايقدر يدير context matching و كنقصد بها أنه يقدر يربط الكلام تاعك بسياق الكلام اي يعرف الدلالة تاعو و يربطو بشي موضوع و هادشي بتحديد كل كلمة كتخرج من عندك. و غاتبان ليكم language recognition و اللي كنقصد بها أنه فاش كاتقول ليه نتا السلام عليكم و واحد آخر كايقول ليه هاي غادي يقدر يحدد اللغة تاع كل واحد فيكم و يقول نتا تكلمتي بالعربية و انت تكلمتي بالانجليزية على عكس البوت العادي خاص نتا اللي تحدد ليه اللغة اللي خاصو يستقبل بها الحديث و نتا غالبا اللي كتحدد اي حاجة فيه. كيفما كاتشوفو هاد زوج الميزات اللي ذكرت مامتوفرينش فالبوت العادي، بما أن البوت اللي خدام بـ ai كيرجع لـ context وكايدير لـ matching و كايرجع للغة و المفردات دياولها فكايخلي الدقة تاعو اتوصل تال 99% على عكس دقة البوت العادي اللي كتوصل لـ 51%، و كيفما كايبان ليكم أنه عدد اللغات اللي يقدر يحدد بوت خدام بالذكاء الإصطناعي 120 لغة على عكس البوت العادي يقدر يحدد 31 لغة و كنظن هنا غايكون بان ليكم الفرق بين الخوارزميات ديال كل واحد فيهم.
إسماعيل فداوي ❤️